مکوآنہ (این این آئی) لاہور میں ڈی آئی جی سلمان چودھری کے ساتھ 10 لاکھ کا فراڈملزم ارسلان کو فیصل آباد سے گرفتار کر لیا ۔ایف آئی اے لاہور ایف آئی اے سائبر کرائم نے ملزموں کے خلاف مقدمہ درج کر لیاملزموں نے ڈی آئی جی سلمان کی بیوی کا جعلی ڈیتھ سرٹیفکیٹ تیار کیا۔ ڈیتھ سرٹیفکیٹ پر اہلیہ کے نام کی سم نکلوائی گئی ، سم

کے ذریعے بینک اکاؤنٹ کی معلومات حاصل کرکے 10 لاکھ روپے نکلوا ئے گئے، ملزم ارسلان کو فیصل آباد سے گرفتار کر لیا گیا ہے، ،ملزم سیف الرحمان کی گرفتاری کے لیے چھاپے مارے جا رہے ہیں۔ دوسری جانب سی سی پی او لاہور غلام محمود ڈوگر نے سی آئی اے کوتوالی میں اہم میٹنگ کی۔جس میں ڈی آئی جی انویسٹی گیشن شارق جمال، ایس ایس پی انویسٹی گیشن عبدالغفار قیصرانی، ایس پی سی آئی اے توصیف حیدر، سی آئی اے کے تمام ڈی ایس پیز اور انسپیکٹر نے بھی شرکت کی۔ سربراہ لاہور پولیس کا کہنا تھا کہ قبضہ گروپ، بدمعاش اور ڈکیتی کی وارداتیں کسی صورت برداشت نہیں کیا جائے گا۔ بھتہ خوروں کی بھی کوئی گنجائش نہیں ہے۔ کریمنلز اور جرائم پیشہ افراد کی پشت پناہی کرنے والوں پر بھی ہاتھ ڈالا جائے گا۔ سی آئی اے فورس کا کرائم کنٹرول کرنے میں ہمیشہ اہم کردار رہا ہے۔ سی آئی اے ونگ بہت پروفیشنل اور محنتی فورس ہے۔ کرائم کنٹرول کیلئے سی آئی اے ریڑھ کی ہڈی کی حیثیت رکھتی ہے۔ غلام محمود ڈوگر کا کہنا تھا کہ سی آئی اے فورس کو ماڈرنگ فورس میں تبدیل کیا جائے گا۔ پالیسنگ میں مزید جدت لائی جائے۔ آرگنائزڈ کرائم کے نیٹ ورکس کا قلع قمع کیا جائے گا۔ سی آئی اے لاہور ہد دے کہ نیک نیتی اور بہتر طریقے سے اپنے کام سے انجام دیں۔ سی سی پی او نے ڈی آئی جی انوسٹی گیشن شارق جمال نے سی آئی اے فورس کی کارکردگی کو سراہتے ہوئے کہا کہ سی آئی اے نے بہت بڑے بڑے کریمنلز اور گینگسٹرز کو نکیل ڈالی ہے۔ غلام محمود ڈوگر نے تمام تفتیشی افسران سے فرداً فرداً استفسار کیا۔

موضوعات:10 لاکھ کا چونا ڈی آئی جی سلمان چودھری