پاکستان کے انتہائی اہم شہر میں لاک ڈائون کی وجہ سے غذائی اجناس، دالوں ،چاول اور گندم کے بحران کا شدید خدشہ، انتہائی افسوسناک صورتحال پیدا ہو گئی

  ہفتہ‬‮ 4 اپریل‬‮ 2020  |  23:03

کراچی (این این آئی) شہر قائد میں لاک ڈائون اور کورونا کے سبب غذائی اجناس، دالوں ،چاول اور گندم کے بحران کا خدشہ پیدا ہوگیاہے۔تفصیلات کے مطابق گڈر ٹرانسپورٹرز نے کہاکہا ہے کہ وزیراعظم کے احکامات کے باوجودہائی ویزپرمال بردار گاڑیوں کو زبردستی روکا جا رہا ہے ، جس کے باعث غذائی اجناس،دالوں،چاول اور گندم کے بحران کا خدشہ پیدا ہوگیا ہے۔ٹرانسپورٹرز کے مطابق لاڑکانہ سندھ میں اناج کی مال بردار گاڑیوں کو ناجائز روکا گیا اور ڈی سی لاڑکانہ کے حکم سے اناج اور دالوں سے بھری گاڑیوں کو ناجائز طور پر حراستمیں لیا گیا۔گڈز ٹرانسپورٹ کے عہدیداروں نے


بتایاکہ حکومتی احکامات کے باوجود تمام نیشنل ہائی ویز گڈز ٹرانسپورٹرز کی گاڑیوں کو روکنے کا سلسلہ جاری ہے، گڈز ٹرانسپورٹرز کو کام سے نہ روکا جائے لیکن انتظامیہ اس کے برعکس ضلعی انتظامیہ ٹرانسپورٹرز کے لیے مسائل پیدا کر رہی ہے۔گڈز ٹرانسپورٹرز کے مطابق غذائی اجناس اور اشیائے خوردو نوش کی ترسیل میں رکاوٹ سے شہروں میں غذائی بحران پیدا ہو جائے گا۔ٹرانسپورٹرز نے کہا کہ سندھ پولیس،پنجاب پولیس کا رویہ گڈز ٹرانسپورٹرز کے ساتھ انتہائی افسوسناک ہے۔


موضوعات: