اسلام آباد (مانیٹرنگ ڈیسک) سرکاری ملازمین کے بیوی بچوں کو بھی پوری پینشن کا حقدار قرار ۔تفصیلات کے مطابق لاہور ہائیکورٹ میں جسٹس عائشہ اے ملک اور مسٹر جسٹس عاصم حفیظ پر مشتمل 2 رکنی بینچ نے سرکاری استاد کی بیوی کو پوری پینشن کا حقدار قرار دینے کے فیصلے کے خلاف صوبائی سیکرٹری خزانہ اور اکاؤنٹنٹ جنرل پنجاب کی اپیلوں پر سماعت کی۔عدالت نے 13 صفحات پر مشتمل تحریری فیصلہ جاری کر دیا ہے ۔ عدالت نے تمام اپیلیں مسترد کرتے ہوئے لاہور ہائی کورٹ
سنگل بینچ کے 15 فروری 2019کے فیصلے کو برقرار رکھا ہے ۔ عدالتی فیصلے میں کہا گیا ہے کہ وزارت خزانہ یا اکائونٹنٹ جنرل پنجاب کو سرکاری خزانے پر نگران بن کر من مانے فیصلے کی ہر گز اجازت نہیں ہے اگر کوئی مرد یا خاتون دوران سروس یا ملازمت کے بعد ریٹائرڈ ہو جائے تو اس کے اہلخانہ فل پینشن کے حقدارہیں اور اگر خاتون ملازمہ ریٹائرمنٹ یا وفات کے بعد اس کا شوہر فل پنشن کا حقدا ر ہے ۔ سابق ملازم کی بیوہ کی وفات کے بعد ان کے بچے پوری پنشن کے حقدار ہونگے ۔
