لاہور( این این آئی) پنجاب پولیس کے ترجمان نے کہا ہے کہ شہباز تتلہ کیس کے حوالے سے میڈیا پر کئی قسم کی قیاس آرائیاں کی جا رہی ہیں جن سے گریز کیا جانا چاہیے ،جیسے ہی کیس کسی فیصلہ کن موڑ پر پہنچے گا تو تفصیلات میڈیا سے شیئر کی جائیں گی۔ اپنے بیان میں ترجمان نے کہا کہ اسی معاملے میں ایس پی مفخر عدیل کے کردار کو بھی زیر بحث لایا جا رہا ہے۔

انوسٹی گیشن ونگ کی جانب سے درخواست ہے کہ بے جا قیاس آرائیوں سے گریز کیا جائے، غیرمصدقہ میڈیا رپورٹس درست تفتیش پر اثر انداز ہو سکتی ہیں، جیسے کیس کسی فیصلہ کن موڑ پر پہنچے گا تو تفصیلات میڈیا سے بھی شیئر کی جائیں گی، صحافتی ضابطہ اخلاق کا بھی تقاضہ ہے کیس کو منطقی انجام تک پہنچانے میں تعاون کیا جائے، امید ہے کہ لاہور پولیس جلد اس معاملے کو نمٹا دے گی۔

موضوعات:پنجاب پولیس شہباز تتلہ کیس مفخر عدیل