اسلام آباد (این این آئی)اقوام متحدہ کے سیکرٹری جنرل انتونیو گونتریس 16 فروری سے پاکستان کا دورہ کریں گے۔ ذرائع نے بایاکہ انتونیو گونتریس کا دورہ پاکستان 19 فروری تک جاری رہے گا۔ذرائع کے مطابق اقوام متحدہ کے سیکرٹری جنرل نے گذشتہ برس پاکستان کا دورہ کرنا تھاتاہم دورہ ناگریز وجوہات کی بنا پر گذشتہ برس تکمیل نہ پا سکا تھا۔ذرائع کے مطابق دورہ پاکستان کے دوران اقوام متحدہ کے
سیکرٹری جنرل وزیر اعظم عمران خان, وزیر خارجہ شاہ محمود قریشی سمیت دیگر راہنماؤں سے ملاقات کریں گے۔ذرائع نے بتایاکہ اتوار کے روز نصف پہر کو انتونیو گونتریس اسلام آباد پہنچیں گے،انتونیو گونتریس دورہ پاکستان میں اتوار کے روز موسمیاتی تبدیلیوں کے حوالے سے ایک مکالمے میں بھی شریک ہوں گے،وہ اتوار کے روز دفتر خارجہ کا دورہ کریں گے۔ذرائع نے بتایاکہ دفتر خارجہ میں انتونیو گونتریس کی شاہ محمود قریشی سے ملاقات ہو گی،ملاقات کے بعد اقوام متحدہ کے سیکریٹری جنرل اور وزیر خارجہ مشترکہ پریس کانفرنس سے خطاب کریں گے۔ذرائع نے بتایاکہ انتونیو گونترہس دو روزہ بین الاقوامی کانفرنس برائے افغانستان میں بھی شریک ہوں گے،انٹرنیشنل کانفرنس آن افغانستان 17 اور 18 فروری کو جاری رہے گی،کانفرنس کی افتتاحی تقریب میں اقوام متحدہ کے سیکریٹری جنرل سمیت وزیر اعظم عمران خان کی شرکت متوقع ہے ۔ ذرائع نے بتایاکہ یو این سیکرٹری جنرل نسٹ میں سینٹر فار انٹرنیشنل پیس اینڈ سٹیبلٹی کا دورہ کریں گے،یو این امن مشن میں پاکستان کے سفر بارے تصویری نمائش کا بھی افتتاح کریں گے۔ذرائع نے بتایاکہ مختلف امن مشن میں خدمات انجام دینے والے اہلکاروں سے ملاقات بھی ہوگی،اقوام متحدہ کے سیکرٹری جنرل لاہور بھی جائیں گے،انتونیو گونتریس لاہور میں انسداد پولیو مہم کا افتتاح کریں گے۔
