جاپان نے لاکھوں پاکستانیوں کو ملازمت دینے کا اعلان کر دیا، رواں برس روزگار کیلئے 50 لاکھ پاکستانیوں کو بیرون ممالک بھجوائے جانے کا امکان، خوشخبری سنا دی گئی

24  جنوری‬‮  2020

اسلام آباد (این این آئی)پاکستان اوورسیز ایمپلائمنٹ پروموٹرز ایسوسی ایشن (پوئپا) کے مرکزی چیئرمین سرفراز ظہور چیمہ نے کہا ہے کہ جاپان نے 3 لاکھ 40 ہزار پاکستانیوں کو ملازمت دینے کا اعلان کیا ہے اس سلسلے میں ہنر مند اور نیم ہنر مند پاکستانی افرادی قوت کو بھرتی کرنے کا جلد آغاز ہو گا۔ پاکستانیوں کے لئے جاپان میں روزگار کے موقع پیدا ہونا وزیراعظم عمران خان کے وژن کی کامیابی ہے۔

سرفراز ظہور چیمہ نے ان خیالات کا اظہار پوئپا کے مرکزی دفتر میں میڈیا نمائندگان کو بریفنگ دیتے ہوئے کیا۔ سرفراز ظہور چیمہ نے بتایا کہ پاکستانی افرادی قوت کو جاپان بھجوانے کے لئے پاکستان اور جاپان کے درمیان باہمی مفاہمت کی یادداشت پر باقاعدہ دستخط ہو چکے ہیں اس حوالے سے اسلام آباد میں جاپانی سفارتخانے میں انتہائی اہم اجلاس ہوا جس میں جاپانی سفارتخانے کے قونصلر ٹوکیٹا یوجی، چیئرمین پوئپا سرفراز ظہور چیمہ، بیورو آف امیگریشن کے ڈی جی کاشف احمد نور، سابق چیئرمین پوئپا چوہدری محمد افضل، سینئر وائس چیئرمین سید اظہر اقبال شاہ اور دیگر متعلقہ محکموں اور اداروں کے عہدیداروں نے شرکت کی۔اجلاس میں باہمی مشاورت سے طے پایا کہ حکومت پاکستان سے لائسنس یافتہ اوورسیز ایمپلائمنٹ پروموٹرز کے ذریعے افرادی قوت جاپان بھجوائی جائے گی نوجوانوں کو ہنر مند بنانے کے لئے وزیراعظم عمران خان کے وڑن کے مطابق آگے بڑھنے کا فیصلہ کیا گیا۔ایک سوال کے جواب میں چیئرمین پوئپا سرفراز ظہور چیمہ نے بتایا کہ تحریک انصاف کی حکومت اور بیورو آف امیگریشن پاکستانیوں کو روزگار کے حصول کیلئے بیرون ملک بھجوانے میں پرائیویٹ سیکٹر سے مکمل تعاون کر رہے ہیں۔ جس پر وزیراعظم عمران خان، وزیراعظم کے معاون خصوصی برائے سمندر پار پاکستانیز زلفی بخاری اور ڈی جی بیورو آف امیگریشن کاشف احمد نور مبارک باد کے مستحق ہیں، سرفراز ظہور چیمہ نے کہا کہ پاکستان اوورسیز ایمپلائمنٹ پروموٹرز ایسوسی کی کوشش ہے کہ ملک سے بیروزگاری کے خاتمے میں حکومت کی مدد کرتے ہوئے رواں برس 50 لاکھ پاکستانیوں کو بیرون روزگار کے مواقع فراہم کیے جائیں۔

موضوعات:



کالم



مشہد میں دو دن (دوم)


فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…

ہم بھی کیا لوگ ہیں؟

حافظ صاحب میرے بزرگ دوست ہیں‘ میں انہیں 1995ء سے…

مرحوم نذیر ناجی(آخری حصہ)

ہمارے سیاست دان کا سب سے بڑا المیہ ہے یہ اہلیت…

مرحوم نذیر ناجی

نذیر ناجی صاحب کے ساتھ میرا چار ملاقاتوں اور…

گوہر اعجاز اور محسن نقوی

میں یہاں گوہر اعجاز اور محسن نقوی کی کیس سٹڈیز…