لاہور (این این آئی) مسلم لیگ (ن) کے مرکزی رہنما وپنجاب اسمبلی میں قائد حزب اختلاف حمزہ شہباز نے کہا ہے کہ پارلیمنٹ میں ان ہاؤس تبدیلی کوئی غیر آئینی بات نہیں،مسلم لیگ (ن) نے اپنے دروازے سب کے لیے کھول رکھے ہیں،عام آدمی پر عیاں ہو گیا کہ پاکستان کی نااہل ترین حکومت ہے گندم کا بحران ہے چینی کا بحران آنے والا ہے،نااہلوں کی حکومت نے کسی قسم کی کوئی منصوبہ بندی نہیں کی۔
ان خیالات کااظہارانہوں نے پنجاب اسمبلی کے احاطے میں میڈیا سے گفتگوکرتے ہوئے کیا۔حمزہ شہباز نے کہاکہ پہلے ہی روز کہہ دیا تھا کہ جتنی خدمت ہم نے کی ہے اس سے آدھی بھی کر لیں تو بڑی بات ہو گی،(ن) لیگ کے مقابلے میں حکومت آدھا بھی پرفارم نہیں کر پائی،اشیائے خوردونوش دل چینی چاول آلو پیاز ٹماٹر کی قیمتیں آسمان کو چھو رہی تھی،دو سو فیصد بلوں کا بوجھ عوام پر ڈالا،ایک آٹے کے تھیلے کیلئے عام شہری ترس رہاہے جس کی عجیب توجیہات پیش کی جا رہی ہیں،ہم حکومت کی گندم فصل سے پہلے پلاننگ کرتے رہے کوئی بحران نہیں آیا۔ انہوں نے کہاکہ عام آدمی پر عیاں ہو گیا پاکستان کی نااہل ترین حکومت ہے گندم کا بحران ہے چینی کا بحران آنے والا ہے اگر کمی تھی تو گندم امپورٹ کرنے کی کیوں اجازت دی گئی۔انہوں نے کہا خبیر حکومت کو عدلیہ کی طرف سے غلط بیانی پر جرمانہ عائد کیا گیا ہے جبکہ ایمنسٹی انٹرنیشنل نے موجودہ حکومت کی کرپشن کی کلی کھول دی ہے،ڈھونڈنے سے پرانا پاکستان نہیں ملتا اور کرپشن پر ٹرانسپریسی انٹرنیشنل چیخ چیخ کر کرپشن کی داستان سنا رہی ہے۔انہوں نے کہاکہ شاہد خاقان خواجہ برادران صاحب کے بارے کہتے رہے کرپٹ ہیں اگر کرپشن کی ایک پائی ثابت ہوئی تو قوم سے معافی مانگ کر گھر چلا جاؤں گا۔انہوں نے کہاکہ حکومت کے لوگ کہتے ہیں دسمبرمیں عام آدمی زیادہ روٹیاں کھاتے ہیں کچھ تو سوچو نااہلی کے بادل منڈلا رہے ہیں معاشی بحران قوموں کیلئے زہر قاتل ہے ہر آدمی پریشان ہیں ایف اے ایف ٹی ایف اور معاشی تلور لٹک رہی ہے بطور قوم ایک چیپنجز کے طور پر نمٹناہوگا۔پوزیشن لیڈر حمزہ شہباز نے کہا کہ صحافیوں کے ساتھ ٹریفک پولیس کی بدیمزی کی شدید الفاظ میں مذمت کرتے ہیں ارباب اختیار کو اس کا فوری نوٹس لینا چاہیے۔حالیہ صورتحال پر تبصرہ نہیں کروں گا۔
