اسلام آباد ( اے پی پی) پاکستان بیت المال کے مینیجنگ ڈائریکٹرعون عباس بپی نے کوئٹہ میں شدید سردی میں جوتے پالش کرنے والے ننھے بچے اسد اللہ ولد محمد شفیع کی سوشل میڈیا پر وائرل ہونے والی خبر کا نوٹس لیتے ہوئے پاکستان بیت المال کی جانب سے اسد اللہ کے والد محمد شفیع کو 60 ہزار روپے مالیت کا امدادی چیک جاری کیا ہے۔پاکستان بیت المال کی طر ف

سےجاری اعلامیہ کے مطابق پاکستان بیت المال کے زیر اہتمام سکول میں اسد اللہ کو داخلہ بھی دے دیا گیا اور اسے مکمل یونیفارم، درسی کتب، سکول بیگ اور جوتے بھی فراہم کئے گئے ہیں۔ مینیجنگ ڈائریکٹرعون عباس بپی کی ہدایت پر پاکستان بیت المال اسد اللہ کو ماہانہ وظیفہ بھی فراہم کرے گا اوراس کی گریجویشن تک کے تمام تعلیمی اخراجات پاکستان بیت المال برداشت کرے گا۔

موضوعات:پاکستان بیت المال