اسلام آباد(مانیٹرنگ ڈیسک)کراچی کے علاقے ڈیفنس سے اغواہونے والی دعا منگی گھر پہنچ گئی، اہلخانہ کے مطابق دعا جمعے کی شب گھر آگئی تھی وہ خیریت سے ہے ،دعا منگی کے ماموں نے بھی دعا کے گھر پہنچنے کی تصدیق کر دی ہے۔ان کا کہنا ہے کہ دعا گزشتہ شب گھر پہنچی۔انہوں نے مزید کہا کہ میڈیا کا شکرگزار ہوں، زیادہ تفصیلات نہیں بتا سکتا۔دعا منگی کی طبیعت کچھ ناساز ہے۔دعا منگی کی طبیعت بہتر
ہونے پر معلومات لیں گے۔واضح رہے کہ دعا مانگی کو گزشتہ ہفتے ڈیفنس سے کار سوار ملزمان نے اغوا کرلیا تھا جبکہ اس کے ساتھ موجود دوست حارث کو گولی مار کر زخمی کردیا تھا جس کے بعد پولیس کی دوڑیں لگ گئی تھیں اور وزیراعلیٰ سندھ مراد علی شاہ نے بھی واقعے کا نوٹس لیا تھا جبکہ انہوں نے دعامنگی کے گھر جاکر اہلخانہ کودعا کی بازیابی کی مکمل تعاون کی یقین دہانی بھی کرائی تھی۔
