لاہور(این این آئی)منشیات برآمدگی کے الزام میں گرفتار سابق وزیر قانون رانا ثنا اللہ خان نے ضمانت پر رہائی کیلئے لاہو رہائیکورٹ میں درخواست دائر کر دی ۔ درخواست میں اے این ایف کے تفتیشی افسر کو فریق بنایا گیا ہے۔ درخواست میں موقف اپنایا گیا کہ حکومت پر سخت تنقید کی وجہ سے منشیات سمگلنگ کا جھوٹا مقدمہ بنایا گیا،وقوعہ کی ایف آئی آر

تاخیر سے درج کی گئی جو مقدمہ کو مشکوک ثابت کرتی ہے، ایف آئی آر میں 21 کلو گرام ہیروئن سمگلنگ کا لکھا گیا جبکہ بعد میں اس کا وزن 15 کلو گرام ظاہر کیا گیا۔ درخواست میں مزید موقف اپنایا گیا کہ گرفتاری سے قبل گرفتاری کے خدشے کا اظہار کیا تھا اوربے بنیاد مقدمہ میں گرفتار کر لیا گیا۔ استدعاہے کہ منشیات سمگلنگ کے مقدمہ میں ضمانت پر رہا کرنے کا حکم دیا جائے۔‎

موضوعات:رانا ثنا اللہ خان