تہران/راولپنڈی (این این آئی)آرمی چیف جنرل قمر جاوید باجوہ نے ایران کے صدر حسن روحانی سے ملاقات کی جس میں باہمی تعلقات سمیت خطے کی صورتحال پربات چیت کی گئی۔ڈی جی آئی ایس پی آر میجر جنرل آصف غفور نے ٹوئٹر پر اپنے بیان میں بتایاکہ آرمی چیف جنرل قمر جاوید باوجوہ کی ایرانی صدر حسن روحانی سے ملاقات ہوئی،ڈی جی آئی ایس پی آر کے مطابق ملاقات میں باہمی تعلقات سمیت خطے کی صورتحال پربات چیت کی گئی، ایرانی صدرنے خطے میں امن واستحکام کیلئے پاکستان کے کردارکی تعریف کی۔اس موقع پر ایرانی صدر نے دہشت گردی کے خلاف پاک فوج کی کامیابیوں کوبھی سراہا۔