اسلام آباد (این این آئی)وزیراعظم عمران خان نے کہا ہے کہ افغانستان سے رہا ہونے والے قیدیوں امریکی پروفیسر کیون کنگ اور آسٹریلوی ٹموتھی ویکس کی رہائی میں پاکستان نے بھرپور کردار ادا کیا ہے۔سماجی رابطوں کی ویب سائٹ ٹوئٹر پر شیئر کیے گئے ایک پیغام میں انہوں نے لکھا کہ پاکستان افغانستان میں رہا ہونے والے پروفیسر کیون کنگ اور ٹیموتھی ویکس کی رہائی کا خیر مقدم کرتا ہے۔عمران خان نے اپنے پیغام میں تحریر کیا کہ افغانستان میں قیدیوں کی رہائی میں کردار ادا کرنے والے تمام فریقین کی کوششوں کو سراہتے ہیں، پاکستان نے بھی ان قیدوں کی رہائی میں کلیدی کردار ادا کیا ہے۔