ننکانہ صاحب (این این آئی)ننکانہ صاحب میں مسلم لیگ (ن )کے رہنماء اور سابق امیدوارچیئر مین یونین کونسل نبی پور پیر فیصل اعجاز شاہ نے سینکڑوں ساتھیوں کے ہمراہ پاکستان تحریک انصاف میں شمولیت کا اعلان کر دیا۔اس موقع پر منعقدہ تقریب میں پی ٹی آئی کے رہنماء اور وفاقی وزیر داخلہ سمیت سیاسی و سماجی رہنماؤں اور اہل علاقہ کی کثیر تعداد نے شرکت کی،پیر فیصل اعجاز شاہ نے غیر مشروط وفاقی وزیر داخلہ اعجاز احمد شاہ کیحمایت کا اعلان کیا۔اس موقع پر گفتگو کرتے ہوئے اعجازاحمد شاہ نے کہا کہ پاکستان تحریک انصاف کی حکومت کو ان گنت
مسائل ورثہ میں ملے،وزیر اعظم عمران خان ان مسائل کے حل کے لئے کوشاں ہیں انہوں نے کہا کہ عمران خان کی قیادت میں بہت جلد ملک ترقی کی شاہراہ پر گامزن ہو گا،سابقہ ادوار حکومتوں میں کرپشن اور کمیشن کی انتہا کر دی گئی۔ انشاء اللہ پورے ملک کی طرح ننکانہ صاحب میں بھی عوام کو تبدیلی نظر آئے گی۔