لاہور (آن لائن) وزیر اعلیٰ پنجاب عثمان بزدار نے ایک مرتبہ پھر صوبائی کابینہ میں رد وبدل کا فیصلہ کرلیا۔ ذرائع کے مطابق کابینہ میں تبدیلی کرنے کیلئے وزیر اعلیٰ پنجاب نے صوبائی کابینہ اجلاس جلد بلائینگے جس میں وزیر اعظم عمران خان کی شرکت بھی متوقع ہے۔

ذرائع کا یہ بھی کہنا ہے کہ صوبائی کابینہ کے اجلاس میں وزراء کے قلمدان میں ردو بدل کی صورت میں وزارت اطلاعات کا قلمدان دوبارہ فیاض الحسن چوہان کے سپرد کیا جا سکتا ہے جبکہ جنگلات کی وزارت صوبائی وزیر صمصام بخاری کے حوالے کئے جانے کا امکان ہے۔