اسلام آباد (مانیٹرنگ ڈیسک)پاکستانی ایٹم بم کے خالق ممتاز ایٹمی سائنسدان ڈاکٹر عبدالقدیر خان نے نجی اخبار سے گفتگو کرتے ہوئے کہا کہ بھارتی مظالم پر پوری دنیا نے مجرمانہ خاموشی اختیار کر رکھی ہے ، بھارت طاقت کے نشے میں اندھا ہو چکا ہے ، جس کا مستقبل تاریک ہے ، بہت جلد بھارت کئی ٹکڑوںمیں تقسیم ہوجائے گا ۔ ایٹمی سائنسدان کا مزید کہنا تھا کہ مسئلہ کشمیر 72سال سے

اقوام متحدہ کی پلیٹ فارم پر موجود ہے لیکن بدقسمتی یہ ہے کہ یہ مسئلہ مسلمانوں کا ہے ، دوسری طرف بھارت کے پاس ڈیڑھ ارب کی آباد ی ہے جو عالمی برادری کیلئے ایک منڈی کی حیثیت رکھتی ہے۔ ڈاکٹر عبد القدیر خان کا کہنا تھا کہ جب ہم ایٹم بم بنا رہے تھے تو اپنے ملک کے دفاع کیلئے بنایا تھا ہمیں اندازہ تھا اسے چلانے کی نوبت نہیں آئے گی کوئی سر پھرا ہی اسے استعمال کر سکتا ہے ۔