لاہور(پ ر)وزیراعلیٰ پنجاب سردار عثمان بزدار نے آج الحمرا ء ہال میں محکمہ اطلاعات و ثقافت کے زیر اہتمام کلرز آف پنجاب کے تحت ڈیرہ غازی خان کلچر ل شو دیکھا-ڈیرہ غازی خان سے آئے فنکاروں نے علاقائی و ثقافتی گیت پیش کئے-وزیراعلیٰ نے شو میں علاقائی و ثقافتی کلچر کو موثر انداز میں اجاگر کرنے پر فنکاروں کی پرفارمنس کو سراہا-وزیراعلیٰ نے ڈیرہ غازی خان کے ثقافتی طائفے کے فنکاروں کوشاندار پرفارمنس پر داد دی-
وزیراعلیٰ نے شاندار ڈی جی خان کلچرل شو کے انعقاد پر محکمہ اطلاعات و ثقافت کی تعریف کرتے ہوئے کہاکہ لوک فنکاروں کی حوصلہ افزائی ضروری ہے-پنجاب حکومت علاقائی فنکاروں کی حوصلہ افزائی کے لئے اس طرح کے مزید شو منعقد کرائے گی-صوبائی وزیر اطلاعات،ثقافت و صنعت میاں اسلم اقبال، سیکرٹری اطلاعات،ایگزیکٹو ڈائریکٹر لاہور آرٹس کونسل اور ایگزیکٹو ڈائریکٹر پنجاب آرٹس کونسل بھی اس موقع پر موجود تھے-
