شاہد خاقان عباسی کی گرفتاری،پاکستان سٹاک ایکس چینج میں خوفناک مندی، سرمایہ کاروں کے 1کھرب26ارب ڈوب گئے،انڈیکس اتنا نیچے گرگیا کہ کسی نے سوچا تک نہ ہوگا

  جمعرات‬‮ 18 جولائی‬‮ 2019  |  19:06

کراچی (این این آئی)سیاسی افق پر بے یقینی کی کیفیت اورسابق وزیراعظم شاہدخاقان عباسی کی ایل این جی کیس میں گرفتاری کی خبروں کے باعث پاکستان اسٹاک ایکسچینج میں دوروزہ تیزی کے بعدکاروباری ہفتے کے چوتھے روز جمعرات کواتارچڑھاؤ کے بعدزبردست مندی رہی اورکے ایس ای100انڈیکس32900،32800،32700،32600،32500اور32400کی نفسیاتی حدوں سے بھی گرگیا،مندی کے نتیجے میں سرمایہ کاروں کے 1کھرب26ارب92کروڑ روپے سے زائدڈوب گئے،کاروباری حجم گذشتہ روزکی نسبت21.64فیصدکم جبکہ85.93فیصد حصص کی قیمتوں میں کمی ریکارڈ کی گئی۔حکومتی مالیاتی اداروں مقامی بروکریج ہاؤز سمیت دیگرانسٹی ٹیوشنز کی جانب سے توانائی،بینکنگ،کیمیکل،فوڈز،سیمنٹ سمیت دیگرمنافع بخش سیکٹرمیں خریداری کے باعث کاروبارکا آغاز مثبت زون


میں ہوا،ٹریڈنگ کے دوران ایک موقع پر کے ایس ای100انڈیکس 33014پوائنٹس کی سطح پر بھی دیکھاگیا، سیاسی افق پر بے یقینی کی کیفیت اورسابق وزیراعظم شاہدخاقان عباسی کی ایل این جی کیس میں گرفتاری کی خبروں پر مقامی سرمایہ کارگروپ تذبذب کا شکار نظرآئے اور اپنے حصص فروخت کرنے کو ترجیح دی، جس کے نتیجے میں تیزی کے اثرات زائل ہوگئے اور کے ایس ای100انڈیکس 32222پوائنٹس کی نچلی سطح پر بھی دیکھاگیاتاہم غیرملکی سرمایہ کاروں کی جانب سے نچلی سطح پر آئی ہوئی قیمتوں پر خریداری کے باعث ایک بار پھر مارکیٹ میں ریکوری آئی جس کے نتیجے میں کے ایس ای100انڈیکس کی 32300کی حد بحال ہوگئی تاہم اتارچڑھاؤ کا سلسلہ سارا دن جاری رہا۔مارکیٹ کے اختتام کے ایس ای100انڈیکس672.45پوائنٹس کمی سے32309.54پوائنٹس پر بندہوا۔جمعرات کو مجموعی طورپر320کمپنیوں کے حصص کا کاروبار ہوا،جن میں سے29کمپنیوں کے حصص کے بھاؤمیں اضافہ،275کمپنیوں کے حصص کے بھاؤ میں کمی جبکہ16کمپنیوں کے حصص کے بھاؤ میں استحکام رہا۔سرمایہ کاری مالیت میں 1کھرب26ارب92کروڑ16لاکھ59ہزار96روپے کی کمی ریکارڈ کی گئی،جس کے نتیجے میں سرمایہ کاری کی مجموعی مالیت گھٹ کر65کھرب61ارب79کروڑ20لاکھ96ہزار326روپے ہوگئی۔جمعرات کومجموعی طور پر8کروڑ74لاکھ13ہزار250شیئرزکاکاروبارہوا،جوبدھ کی نسبت2کروڑ41لاکھ45ہزار300شیئرزکم ہیں۔قیمتوں کے اتارچڑھاؤ کے حساب سے پاک ہوٹلزکے حصص سرفہرست رہے،جس کے حصص کی قیمت8.78روپے اضافے سے184.53روپے اورالعباس شوگر کے حصص کی قیمت8.36روپے اضافے سے189.97روپے پر بند ہوئی۔نمایاں کمی نیسلے پاکستان کے حصص میں ریکارڈکی گئی،جس کے حصص کی قیمت300.00روپے کمی سے6800.00روپے اورانڈس موٹرزکے حصص کی قیمت43.54روپے کمی سے1074.44روپے ہوگئی۔جمعرات کو ٹی آر جی پاک لمیٹڈ کی سرگرمیاں 85لاکھ86ہزار500شیئرز کے ساتھ سرفہرست رہیں،جس کے شیئرزکی قیمت83پیسے کمی سے12.67روپے اورکے الیکٹرک لمیٹڈ سرگرمیاں 73لاکھ48ہزارشیئرزکے ساتھ دوسرے نمبر پر رہی،جس کے شیئرزکی قیمت18پیسے کمی سے3.54روپے ہوگئی۔جمعرات کوکے ایس ای30انڈیکس303.88پوائنٹس کمی سے15274.54پوائنٹس،کے ایم آئی30انڈیکس1308.42پوائنٹس کمی سے50403.71پوائنٹس جبکہ کے ایس ای آل شیئر انڈیکس459.71پوائنٹس کمی سے23767.01پوائنٹس پربندہوا۔

موضوعات:

loading...