اسلام آباد (این این آئی) وزیر اعظم کے معاون خصوصی افتخار درانی نے ماضی کی حکومتوں کے آئی ایم ایف قرضوں کی فہرستیں جاری کر دی۔ ایک بیان میں بلاول بھٹو کے بیان پر ترجمان وزیراعظم آفس نے رد عمل کا اظہار کرتے ہوئے ماضی کی حکومتوں کے آئی ایم ایف قرضوں کی فہرستیں جاری کر دی۔ افتخار درانی نے کہاکہ پیپلزپارٹی کے
حادثاتی چیئرمین حکومت کیخلاف بھاشن بازی شوق سے کریں۔انہوں نے کہاکہ مگر قوم کو یہ بتائیں انکی جماعت نے 10 مرتبہ آئی ایم ایف کے سامنے ہاتھ کیوں پھیلایا؟۔انہوں نے کہاکہ نون لیگی ارسطو بھی بتائیں کہ وہ 4 مرتبہ آئی ایم ایف کے پاس کیوں گئے؟۔انہوں نے کہاکہ دونوں جماعتیں جواب دیں کہ انہوں نے پارلیمان سے کتنی مرتبہ منظوری لی؟۔
