اسلام آباد (این این آئی)اسلام آباد ہائیکورٹ نے سوشل میڈیا پر گستاخانہ مواد کی تشہیر کے خلاف کیس میں تحریری حکم نامہ جاری کرتے ہوئے کہا ہے کہ ایف آئی اے قابل اعتراض اور گستاخانہ مواد کی چھان بین کرے ،پی ٹی اے قابل اعتراض مواد ہٹانے کے حوالے سے اپنی ذمہ داری پوری کرے۔ہفتہ کو دو صفحات پر مشتمل تحریری حکم نامہ چیف جسٹس اطہر من اللہ نے جاری کیا ۔ تحریری حکم میں کہاگیاکہ ایف آئی اے قابل اعتراض اور گستاخانہ مواد کی چھان بین کرے ۔تحریری حکم میں کہاگیاکہ ایف آئی اے ملوث افراد

کے خلاف فوری کاروائی کرے ۔عدالتی حکم میں کہاگیاکہ پی ٹی اے قابل اعتراض مواد ہٹانے کے حوالے سے اپنی زمہ داری پوری کرے۔ عدالتی حکم میں کہاگیاکہ درخواست گزار ایف آئی اے کو قابل اعتراض مواد کا ڈیٹا فراہم کرے ۔عدالتی حکم میں کہاگیاکہ درخواست گزار ایف آئی اے، پی ٹی آئی اور متعلقہ اداروں سے رابطہ کرے ۔ تحریری حکم نامہ میں کہاگیاکہ وزارت داخلہ سمیت دیگر ادارے ایسے مواد کی تشہیر کو روکیں۔درخواست گزار نے فیس بک پر گستاخانہ مواد کی تشہیر کے خلاف درخواست دائر کی تھی۔

موضوعات:اسلام آباد ہائی کور ٹ