گوجرانوالہ(آن لائن)گوجرانوالہ میں چینی باشندے نے ہوٹل کی دوسری منزل سے چھلانگ لگا کراپنی زندگی کا خاتمہ کرلیا۔پولیس ذرائع کے مطابق گوجرانوالہ میں 36 سالہ چینی باشندے زاہوکے نے ہوٹل کی دوسری منزل سے چھلانگ لگادی، جس کے بعد وہ شدید زخمی ہوگیا اورسر، کمراورٹانگوں پہ شدید چوٹیں آئیں۔
چینی باشندے کو طبی امداد کے لیےہسپتال منتقل کیا گیا جہاں وہ جانبر نہ ہوسکا اورزندگی کی بازی ہارگیا۔پولیس کے مطابق مرنے والا زاہوکمرہ 223 میں رہائش پذیرتھا، چینی باشندہ کاروباری سلسلے میں پاکستان میں رہائش پزیرتھا۔ خودکشی کی وجوہات تاحال سامنے نہ آسکی ہیں ،جس کے لیے تحقیقات کا آغازکردیا گیا ہے۔
