کوئٹہ(این این آئی) بلوچستان کے علاقے پنجگور میں موٹرسائیکل میں نصب ریموٹ کنٹرول بم دھماکے کے نتیجے میں 2 افراد جاں بحق جبکہ 9زخمی ہوگئے دھماکے سے 7 گاڑیوں اور 4 موٹرسائیکلوں سمیت متعدد دکانیں تباہ ہو گئیں دھماکے کے بعد گاڑیوں میں آگ بھڑک اٹھی اور علاقے میں بھگدڑ مچ گئی

واقعہ کی اطلاع ملتے ہی پولیس سیکورٹی فورسز اور بم ڈسپوزل ٹیم موقع پر پہنچ گئی علاقے کو گھیرے میں لیکر نعشوں اور زخمیوں کو ہسپتال منتقل کر دیا اور فورسز نے علاقے میں سرچ آپریشن شروع کر دیا یہاں آمدہ اطلاعات کے مطابق گذشتہ روز پنجگور کے علاقے چتکان بازار میں نامعلوم دہشتگروں کی جانب سے تخریب کاری کیلئے سڑک کے کنارے کھڑے کیئے گئے موٹرسائیکل میں نصب بم زور دار دھماکے سے پھٹ گیا دھماکے کی آواز دور دور تک سنی گئی اور دھماکے سے گاڑیوں میں آگ بھڑک اٹھی جس کے نتیجے میں 2 افراد عبدالقادر اور پذیر موقع پر جاں بحق جبکہ زاہد حسین سمیت 9 افراد شدید زخمی ہو گئے دھماکے سے 7 گاڑیاں 4 موٹرسائیکلیں متعدد دکانیں تباہ ہو گئیں نزدیکی دکانوں اور عمارتوں کے شیشے ٹوٹ گئے دھماکے کی اطلاع ملتے ہی پولیس سیکورٹی فورسز اور بم ڈسپوزل اسکواڈ کا عملہ موقع پر پہنچ گیا علاقے کو گھیرے میں لیکر نعشوں اور زخمیوں کو ہسپتال منتقل کر دیا گیا ہسپتال میں ایمرجنسی نافذ کر دی گئی زخمیوں میں سے متعدد کی حالت تشویش ناک بتائی جاتی ہے پولیس ذرائع کے مطابق دھماکہ موٹرسائیکل میں نصب ریموٹ کنٹرول بم دھماکے سے کیا گیا اور دھماکے میں 2 سے3 کلو گرام دھماکہ خیز مواد استعمال کیا گیا پولیس اور مقامی انتظامیہ مذید کارروائی کر رہی ہے ۔  بلوچستان کے علاقے پنجگور میں موٹرسائیکل میں نصب ریموٹ کنٹرول بم دھماکے کے نتیجے میں 2 افراد جاں بحق جبکہ 9زخمی ہوگئے

موضوعات:ریموٹ کنٹرول بم دھماکہ