اسلام آباد (این این آئی)پاکستان پیپلزپارٹی کے بانی چیئرمین ذوالفقار علی کی پوتی ، سابق وزیراعظم بینظیربھٹو کی بھتیجی اور میر مرتضیٰ بھٹو کی صاحبزادی فاطمہ بھٹو نے پی ٹی آئی سے رابطوں کی تردید کرتے ہوئے کہا ہے کہ میڈیا میں نشر خبر میں سچائی کی ذرا سی بھی رمق نہیں ہے، یہ بنیاد اور گھڑی ہوئی باتیں ہیں۔ اپنے ایک بیان میں فاطمہ بھٹو نے میڈیا میں چھپنے والی خبر کہ ’فاطمہ بھٹو کوتحریک انصاف میں شامل کرنے کی کوششیں کی جاتی رہی ہیں تاہم فاطمہ بھٹو نے پی ٹی آئی میں شمولیت سے انکار کر دیا‘کی سختی

سے تردید کرتے ہوئے کہا ہے کہ جو کچھ کہا گیا ہے اس میں سچائی کی ذرا سی بھی رمق نہیں ہے ۔ انہوں نے کہا کہ یہ بالکل بے بنیا د اور گھڑی ہوئی باتیں ہیں اور اس کا حقیقت سے کوئی تعلق نہیں ہے۔ انہوں نے کہا کہ کوئی بھی میرے بارے میں بولنے کا حق نہیں رکھتا۔