راولپنڈی(اے این این ) بینظیر قتل کیس میں ملزم پرویز مشرف کے بینک اکاونٹس منجمد ہونے کے باوجود رقم نکلوا لی گئی۔راولپنڈی کی خصوصی عدالت میں سابق وزیراعظم بینظیر بھٹو قتل کیس کی سماعت ہوئی تو یہ بات سامنے آئی کہ مقدمے میں اشتہاری ملزم پرویز مشرف کے منجمد 2 بینک اکاونٹس سے رقم نکلوا لی گئی ہے۔ انسداد دہشت گردی کی عدالت نے

رقم نکلوانے کا سخت نوٹس لیتے ہوئے استفسار کیا کہ منجمد بینک اکانٹس سے رقم کیسے نکل گئی۔فاضل جج اصغر خان نے15 فروری تک معاملے کی رپورٹ کرتے ہوئے ملزم پرویز مشرف کی دیگر جائیدادوں اور اکاونٹس کا مکمل ریکارڈ بھی پیش کرنے کی ہدایت کی۔ عدالت نے ایس ایچ او تھانہ ایف آئی اے کو نوٹس جاری کرتے ہوئے کہا کہ بتایا جائے کہ رقم کس نے اور کیسے نکلوائی۔

موضوعات:بینظیر قتل کیس