شیخوپورہ (نیوز ڈیسک) پاک چین دوستی اب رشتہ داری میں بدلنے لگی شیخوپورہ کی تحصیل مرید کے میں چینی نوجوان نے شیخوپورہ کی رہائشی لڑکی سے شادی کرلی شادی مقامی چرچ میں کی گئیء چینی نوجوان کو دلہا کے روپ میں دیکھنے کہ لیے اہل محلہ کثیر تعدادمیں جمع ہوگئے اور بارات کا پرجوش استقبال کیا-واضح رہے کہ اس سے قبل پنجاب کے شہر سرگودھا کی نبیلہ نے

بھی اپنے ہی شہر کی لڑکی شمع کے نقش قدم پر چلتے ہوئے چینی لڑکے سے شادی کرلی تھی۔پنجاب میں کسی تعمیراتی منصوبے پر کام کرنے والے چینی لڑکے شیا لان چانگ سرگودھا کی نبیلہ کو دل دے بیٹھے اور پھر ان کی محبت رشتہ داری میں بدل گئی۔شیا لان چانگ نے اپنی محبت کو لازوال کرنے کا سوچتے ہوئے نبیلہ کے گھر والوں سے ان کا ہاتھ مانگا اور اسے اپنی دلہن بنا ڈالا۔نبیلہ اور شیا لان چانگ کی شادی پاکستان کی روایات کے مطابق ہوئی جب کہ پنجابی اسٹائل کا ولیمہ بھی رکھا گیا، جس میں چینی دولہے نے دیسی انداز اپنا کر سب کے دل جیت لیے۔شیا لان چانگ کے مطابق اب وہ جلد سے جلد نبیلہ کو پاکستان سے چین لے جائیں گے۔نبیلہ سے قبل بھی رواں برس اپریل میں سرگودھا کی شمع نے بھی چینی لڑکے بدھیو سے شادی کی تھی۔شمع اور بدھیو کی شادی بھی پاکستان کی روایات کے مطابق ہوئی تھی۔نبیلہ اور شیا لان چانگ کی محبت کے برعکس شمع اور بدھیو کی محبت سوشل میڈیا کے ذریعے ہوئی تھی جو بعد میں رشتے میں بدل گئی۔نبیلہ اور شیا لان چانگ کی محبت کے برعکس شمع اور بدھیو کی محبت سوشل میڈیا کے ذریعے ہوئی تھی جو بعد میں رشتے میں بدل گئی۔اس سے قبل متعدد پاکستانی لڑکے چین میں دوران تعلیم یا ملازمت متعدد چینی لڑکیوں سے شادی رچاکر انہیں پاکستان لے آ چکے ہیں۔پاکستان کے مقابلے چین میں خواتین کی تعداد انتہائی کم ہے، لیکن اس کے باوجود پاکستانی لڑکے وہاں کی لڑکیوں کا دل جیتنے میں کامیاب ہوئے اور انہیں اپنا بنایا۔

موضوعات:چینی نوجوان شادی شیخوپورہ