اسلام آباد(مانیٹرنگ ڈیسک) امریکہ کی ایک اور خاتون پاکستانی لڑکے کی محبت میں گرفتار ۔لاہور پہنچ کر شادی  بھی کر لی۔نجی ٹی وی  کے مطابق 23 سالہ محسن اور 19 سالہ ماریہ انجیلا کی  انسٹا گرام پر دوستی ہوئی، لیکن کچھ ہی عرصے کے بعد یہ دوستی پیار میں بدل گئی۔ محسن کی محبت میں گرفتار ہو کر 19 سالہ ماریہ انجیلا ہزاروں میل کا سفر طے کر کے لاہور پہنچ گئی۔محسن نے بتایا کہ ایک دو دن ہم نے ایک دوسرے سے ہیلو ہائے کیا، ہماری آپس میں بات چیت ہوتی رہی،کچھ ہی دن بعد میں ان کو پروپوز کر دیا۔میں نے ان

سے کہا کہ میں آپ کو پسند کرتا ہوں اور آپ سے شادی کرنا چاہتا ہوں جس پر ان کی طرف سے بھی مجھے مثبت رد عمل ملا اور یہ شادی پر رضامند ہو گئیں۔  ماریہ نے کہا کہ ہماری کچھ ہی عرصہ قبل سوشل میڈیا پر بات ہوئی جس کے بعد فون کالز کا سلسلہ شروع ہوا اور انہوں نے مجھے شادی کی پیشکش کر دی۔ ماریہ کا کہنا ہے کہ میں اس شادی سے بے حد خوش ہوں اور جلد ہی اپنے محسن کو امریکہ لے جانا چاہتی ہوں۔واضح رہے کہ اس سے پہلے ایک اور امریکی لڑکی نے سیالکوٹ  پہنچ کرپاکستانی لڑکے سے شادی کی تھی۔

موضوعات:امریکی لڑکی