اسلام آباد(مانیٹرنگ ڈیسک)اداروں میں اختیارات اور توازن کی بات کی ، ملک وزیراعظم عمران خان کی پالیسیز کے مطابق چلے گا، عدالت سے باہر نکل کر فواد چوہدری نے بڑا اعلان کر دیا۔ تفصیلات کے مطابق آئی جی تبادلہ ازخود نوٹس کیس میں سپریم کورٹ میں طلبی کے بعدسپریم کورٹ کے احاطے میں میڈیا سے گفتگو کرتے ہوئے وفاقی وزیر اطلاعات و نشریات فواد چوہدری کا کہناتھا کہ چیف جسٹس سے احترام کا تعلق ہے، نہ کبھی عدالت کی

توہین کی ہے نہ کبھی ایسا کرنے کا سوچ سکتا ہوں،میرے بیان کا عدالت سے نہیں بیوروکریسی سے تھا، ہم قانون کے مطابق چلیں گے۔ میں نے اداروں میں اختیارات اور توازن کی بات کی بیورو کریسی سے متعلق مسائل آرہے ہیں لیکن یہ ملک وزیراعظم عمران خان کی پالیسیز کے مطابق چلے گا۔اعظم سواتی سے متعلق بات کرتے ہوئے فواد چوہدری کا کہنا تھا کہ اعظم سواتی سے متعلق کچھ نہیں پتا، وہ شریف انسان ہیں، جھگڑے کس کے نہیں ہوتے۔

موضوعات:فواد چوہدری