اسلام آباد (نیوز ڈیسک) وزیراعظم عمران خان کی جانب سے پنجاب کی وزارتِ اعلیٰ کے لیے نامزد کیے جانے والے امیدوار عثمان بزدار کا اعلان ہوتے ہیں ان کے کئی سکینڈل سامنے آ گئے ہیں، سینئر صحافی حامد میر نے انکشاف کرتے ہوئے کہا کہ عمران خان کے انتہائی قریبی لوگ بھی عثمان بزدار سے واقف نہیں۔ سینئر صحافی نے بتایا کہ تقریب حلف برداری کے دوران بہت سے لوگ ان سے پوچھتے رہے کہ عثمان بزدار کون ہیں، سینئر صحافی

حامد میر نے کہاکہ عمران خان کے انتہائی قریبی ساتھی نے ان سے کچھ فاصلے پر کھڑے ہو کر مجھ سے کہا کہ لگتا ہے کہ ہماری مشکلات اب شروع ہونے والی ہیں اور ان کا آغاز پنجاب سے ہو گا۔ سینئر صحافی حامد میر نے کہا کہ لوگ عمران خان کے اس فیصلے پر حیران و پریشان ہیں، انہوں نے کہا کہ عمران خان کے ایسے لوگ جو یہ سمجھتے ہیں کہ وہ ہر فیصلہ ان سے پوچھ کر کرتے ہیں وہ بھی اس پر حیرانی کا اظہار کر رہے ہیں۔

موضوعات:حامد میر