اسلام آباد (مانیٹرنگ ڈیسک )کپتان کی تباہ کن اننگز جاری ، سیاسی جماعتوں کی وکٹیں گرانے کے ساتھ ساتھ اہم شخصیات بھی تحریک انصاف میں شمولیت اختیار کرنے لگیں، مشہور کاروباری شخصیت ملک کےمعروف ٹرانسپورٹر ملک فاروق بندیال تحریک انصاف کا حصہ بن گئے ہیں۔تفصیلات کے مطابق تحریک انصاف میں سیاسی جماعتوں کے اراکین کے ساتھ دیگر اہم شخصیات کی شمولیت کا سلسلہ جاری ہے اور معروف کاروباری شخصیت اور ملک کے معروف ٹرانسپورٹر ملک فاروق بندیال بھی
تحریک انصاف کا حصہ بن گئے ہیں ، ضلع خوشاب سے تعلق رکھنے والےنے بنی گالہ میں عمران خان کے ساتھ ملاقات کی اور انہیں ضلع خوشاب میں اپنے بھر پور تعاون کا یقین دلایا ، یاد رہے کہ ملک فاروق بندیال کا تعلق ضلع خوشاب کے گاؤں بندیال سے ہے اور وہ معروف خاتون سیاستدان سمیرا ملک کے بعد ضلع کے بااثر ترین افراد میں شمار ہوتے ہیں سیاسی پنڈتوں کے مطابق ملک فاروق بندیال کی شمولیت سے ضلع خوشاب میں تحریک انصاف کی قومی و صوبائی حلقوں کی سیٹوں پر جیت یقینی ہو گئی ہے۔
