ن لیگ کو ایک اور بڑا جھٹکا، عمران خان پرانے مسلم لیگی ممبر قومی اسمبلی کو لے اُڑے، ایسا نام سامنے آ گیا کہ سوچا تک نہ ہوگا

  بدھ‬‮ 16 مئی‬‮‬‮ 2018  |  22:54

اسلام آباد (نیوز ڈیسک) مسلم لیگ (ن) کے گرتے ہوئے گراف کو دیکھتے ہوئے ن لیگ کے اراکین اسمبلی دوسری جماعتوں میں شمولیت اختیار کرنے میں مصروف ہیں، مسلم لیگ (ن) کے کئی اہم رہنما ن لیگ کو چھوڑ کر دوسری جماعتوں میں شریک ہو چکے ہیں، اب ن لیگ کے رکن قومی اسمبلی غلام رسول ساہی بھی تحریک انصاف میں شامل ہو گئے ہیں۔ واضح رہے کہ جہانگیر ترین کی ٹیم کے اکاؤنٹ سے سماجی رابطے کی ویب سائٹ ٹوئٹر پر ایک تصویر شیئرکی گئی ہے اس تصویر میں تحریک انصاف کے چیئرمین عمران خان، جہانگیر ترین اور غلام

رسول ساہی بیٹھے ہوئے ہیں۔ اس ملاقات میں غلام رسول ساہی نے تحریک انصاف میں شمولیت کا اعلان کیا۔ جہانگیر ترین کی ٹیم نے اپنے ٹوئٹر پیغام میں لکھا کہ جہانگیر ترین نے رمضان سے پہلے مسلم لیگ (ن) کو بڑا جھٹکا دے دیا ہے۔ واضح رہے کہ غلام رسول ساہی جہانگیر ترین کے پرانے دوست ہیں انہوں نے انہیں تحریک انصاف میں شمولیت کے لیے راضی کر لیا۔

موضوعات:

آج کی سب سے زیادہ پڑھی جانے والی خبریں