اسلام آباد (مانیٹرنگ ڈیسک)گوجرنوالہ میں کم سن لڑکیوں کو زیادتی کا نشانہ بنانے والا ملزم راشد خان لیگی رہنما نکلا، شہباز شریف کے گوجرنوالہ جلسے سے قبل شہر میں لگنے والے ن لیگ کے بینرز پر ملزم راشد خان کی تصاویر سامنے آگئیں۔ تفصیلات کے مطابق گوجرنوالہ میں کم سن لڑکیوں کو زیادتی کا نشانہ بناکر ویڈیو بنانے والے ملزم راشد خان کا تعلق ن لیگ سے نکلا۔ ملزم راشد خان کی تصاویر سے مزین بینرز منظر عام پر آئے ہیں ، یہ بینرز شہباز شریف کے گوجرانوالہ جلسے کے موقع پر

گوجرنوالہ شہر میں آویزاں کئے گئے تھے۔ بینرز پر ملزم راشد نے خود کو جنرل سیکرٹری حمزہ یوتھ لورز ظاہر کیا۔ واضح رہے کہ معاملہ سامنے آنے کے بعد پولیس نے ملزم سمیت دو افراد کو گرفتار کر لیا ہے۔ ن لیگ گوجرانوالہ کے عہدیدار نے ملزم راشد خان کے ن لیگ کے عہدیدار ہونے کی تردید کرتے ہوئے کہا ہے کہ ملزم راشد خان کا ن لیگ سے کوئی تعلق نہیں، اس نے یہ بینرز ذاتی حیثیت میں چھپوائے ہیں ۔ لیگی عہدیدار کے بیان کے برعکس ملزم راشد خان کی تصاویر سے مزین بینرز کچھ اور ہی کہانی بیان کر رہے ہیں۔

موضوعات:بینرز گوجرنوالہ ویڈیو سکینڈل ملزم راشد خان