لاہور(آئی این پی) پاکستان پیپلزپارٹی اکیلی نے متحدہ اپوزیشن کے مقابلے میں بڑا جلسہ کر دیا،جلسے میں زیادہ کارکنان لاہور سے ہی شر یک ہوئے ‘لاہور کے ساتھ ساتھ شیخوپورہ ‘گوجر نوالہ اور فیصل آباد سے بھی پیپلزپارٹی کے کارکنان گاڑیوں کے قافلوں کی صورت میں شر یک ہوئے ‘جلسے میں خواتین کی کثیر تعداد بھی شر یک ہوئی ہیں ۔ذرائع کے مطابق موچی گیٹ میں پاکستان پیپلزپارٹی نے تقر یبا 24سالوں بعداپنے ہونیوالے جلسے کیلئے پنڈال میں
30ہزار سے زائد کر سیاں لگائیں گئیں ہیں جبکہ جلسے کے دوران پنڈال کے علاوہ موچی گیٹ کے اطراف میں بھی پاکستان پیپلزپارٹی کے کارکنوں کی بڑی تعداد موجود رہی ہے اور ذرائع کے مطابق پیپلزپارٹی کے جلسے میں 60سے70ہزار کارکنان شریک ہوئے ہیں جبکہ پیپلزپارٹی کے سیکرٹری اطلاعات چوہدری منظور احمد نے دعویٰ کیا ہے کہ موچی گیٹ میں ہونیوالے جلسے میں مال روڈ پر ہونیوالے متحدہ اپوزیشن کے جلسے سے بڑ اجلسہ ہوا ہے جس میں شر کاء کی تعداد ہزاروں نہیں بلکہ لاکھوں میں تھی اور اس جلسے کے بعد پیپلزپارٹی صرف لاہور نہیں بلکہ پنجاب کے دیگر شہروں میں بھی مزید جلسے کر یں گی جس سے پیپلزپارٹی کے مر کزی قائدین خطاب کر یں گے۔
