کوہاٹ (اے این این)کوہاٹ میں ہفتے کو رشتے کے تنازع پر قتل کی جانے والی ڈاکٹر عاصمہ رانی کے قاتل کی عدم گرفتاری پر سیاسی و سماجی تنظیموں نے آج ( جمعہ کو) گرینڈ جرگہ بلالیا۔ جرگے میں آئندہ کا لائحہ عمل طے کیا جائے گا۔کوہاٹ میں قتل کی جانے والی ڈاکٹر عاصمہ رانی کے قتل کیخلاف لکی مروت ضلع ناظم آفس میں کل جرگہ منعقد کیاجارہا ہے جس میں سیاسی و سماجی تنظیموں

کے اراکین اور مقتولہ عاصمہ کے اہل خانہ شریک ہوں گے۔جرگے میں اب تک حکومت اور پولیس کی جانب سے کیے گئے اقدامات کا جائزہ لیا جائیگا اور آئندہ کا لائحہ عمل کا بھی اعلان کیا جائیگا۔پولیس مرکزی ملزم مجاہد آفریدی کی گرفتاری کیلئے سعودی گورنمنٹ سے رابطے میں ہے۔ مجاہد کا بھائی اور کیس میں نامزد ملزم صدیق آفریدی پولیس کے ریمانڈ پر ہے۔

موضوعات:عاصمہ رانی قتل کیس