اسلام آباد(مانیٹرنگ ڈیسک)عمران کی وجہ سے نظر اٹھا کر نہیں چل سکتے، جو گھنائونا کام کیا اس کی اس کو عبرتناک سزا ملنی چاہئے، قصور کی ننھی زینب اور دیگر بچیوں کے قاتل عمران کی خالہ کی نجی ٹی وی سے گفتگو۔ تفصیلات کے مطابق عمران کی خالہ جو کہ اس کے گھر کے ساتھ ہی رہائش پذیر ہے نے نجی ٹی وی نائنٹی ٹو نیوز سے گفتگو کرتے ہوئے کہا کہ عمران نے ایک شرمناک اور گھنائونا فعل کیا ،پوری قوم اور زینب کے اہل خانہ کے ساتھ ہم بھی اس سانحہ پر دکھی اور غمزدہ ہیں ۔ عمران
نے پورے خاندان کی عزت خاک میں ملا کر رکھ دی ہے ۔ اس کے گھنائونے فعل کی وجہ سے ہم نظر اٹھا کر چلنے کے قابل نہیں رہے ،ہماری زندگی اجیرن بن گئی ہے۔ عمران کے ایک رشتہ دار کا کہنا تھا کہ عمران کو اس گھنائونے فعل پر پھانسی دی جانی چاہئے اور ہم پوری قوم کے ساتھ اس مطالبے میں برابر کے شریک ہیں۔