کراچی (مانیٹرنگ ڈیسک) کراچی ڈرگ روڈ میں مبینہ پولیس مقابلے کے دوران ہلاک ہونے والے مقصود کی میت ساہیوال پہنچادی گئی، گھر میں کہرام مچ گیا، اہلخانہ غم سے نڈھال ہیں، بہنوں نے انصاف نہ ملنے پر خود کو جلانے کی دھمکی دیدی۔ معذور باپ بھی انصاف کا طلب گار ہے۔ چھ بہنوں کا اکلوتا بھائی معذور باپ کے واحد سہارے مقصود جس کی جان کراچی میں فائرنگ کے واقعے میں چلی گئی میت ساہیوال پہنچی تو کہرام مچ گیا،
ہر کوئی ہوش کھو بیٹھا، گھر والوں کی جیسے دنیا اجڑ گئی۔ مقصود واحد کمانے والا تھا جو کراچی میں رکشہ چلا کر اپنے گھر کا چولہا جلاتا تھا، کچھ دن بعد اس کی شادی بھی تھی۔ سر پر سہرا سجنے کے بجائے ایک اندھی گولی نے اس کی زندگی کا چراغ بجھا دیا۔ بیٹے کی موت پر معذور باپ بھی غم سے نڈھال ہے، اس کا بڑھاپے کا سہارا چھن گیا۔ بھائی کی ہلاکت پر بہنوں کا بھی برا حال ہے، انہوں نے دھمکی دی ہے کہ اگر انہیں انصاف نہ ملا تو خود کو جلالیں گی۔ اہل علاقہ بھی واقعے پر غم زدہ ہیں اور وہ بھی انصاف کا مطالبہ کر رہے ہیں۔مقصود اندھی گولی کا نشانہ بنا جو ڈرگ روڈ پر پولیس مقابلے کے دوران چلی جس نے ایک گھر اجاڑ دیا۔ ہسپتال میں لاش پہنچی تو بہنوں پر قیامت ٹوٹ گئی۔ وہ گولی کس کی تھی جو مقصود کی جان لے گئی پتہ نہ چل سکا لیکن اپنے پیچھے کئی سوال چھوڑ گئی، وہ گولی جس کی بھی تھی مقصود کے گھر والوں کو عمر بھر کا غم دے گئی۔ کراچی ڈرگ روڈ میں مبینہ پولیس مقابلے کے دوران ہلاک ہونے والے مقصود کی میت ساہیوال پہنچادی گئی، گھر میں کہرام مچ گیا، اہلخانہ غم سے نڈھال ہیں، بہنوں نے انصاف نہ ملنے پر خود کو جلانے کی دھمکی دیدی۔ معذور باپ بھی انصاف کا طلب گار ہے۔ چھ بہنوں کا اکلوتا بھائی معذور باپ کے واحد سہارے مقصود جس کی جان کراچی میں فائرنگ کے واقعے میں چلی گئی میت ساہیوال پہنچی تو کہرام مچ گیا، ہر کوئی ہوش کھو بیٹھا، گھر والوں کی جیسے دنیا اجڑ گئی۔
