اسلا م آباد(این این آئی) ٹریفک پولیس کی ہیلمٹ کے بغیر موٹر سائیکل چلانے والوں کے لئے خصوصی آگاہی مہم جاری ،10اکتوبر کو یہ آگاہی مہم ختم جبکہ11اکتوبر سے اس قانون پر سختی سے عملداری کا آغاز کر دیا جائے گا، لہذا موٹر سائیکل پرسواردونوں افراد ہیلمٹ کا استعمال یقینی بنائیں تاکہ جو اموات ہیلمٹ نہ پہننے کی وجہ سے ہوتی ہیں ان پر قابو پایا سکے،موٹر سائیکل پر بیٹھے دوسرے افراد کی زندگی بھی اتنی ہی قیمتی ہے

جتنی موٹر سائیکل چلانے والے کی، ایس ایس پی ٹریفک ملک مطلوب احمد۔تفصیلات کے مطابق اسلام آباد ٹریفک پولیس کی جانب سے روڈ استعمال کرنے والے شہریوں خصوصاً موٹر سائیکل استعمال کرنے والوں کے جان و مال کے تحفظ کویقینی بنانے کے لئے ایک ماہ کی خصوصی آگاہی مہم جاری ہے اس آگاہی مہم کے دوران شہریوں کو خصوصاً موٹر سائیکل پر بیٹھے دونوں افراد کو روڈ سیفٹی بالخصوص ہیلمٹ کے فوائد اور نقصانات کے بارے میں آگاہی فراہم کی گئی ،اس سلسلے میں اسلام آباد ٹریفک پولیس کے ایجوکیشن ونگ اور سپیشل سکواڈزاسلام آباد کی اہم شاہراہوں پر تعینات رہے جنھوں نے موٹر سائیکل چلانے والے ہزاروں شہریوں کوروڈ سیفٹی اور ہیلمٹ کے بارے میں آگاہی فراہم کی ، یہ خصوصی آگاہی مہم ایک ماہ قبل اسلام آباد کی مختلف شاہراہوں اور چوکوں پر شروع کی گئی تھی جس میں کشمیر ہائی وے،ایکسپریس ہائی وے،فیصل ایونیو،مری روڈ،نائنتھ ایونیو شامل ہیں یہ خصوصی آگاہی مہم 10اکتوبر کو ختم اور11اکتوبر سے موٹر سائیکل پر سوار دونوں افراد کے لئے ہیلمٹ پہننا لازمی ہو گا خلاف ورزی کرنے والے موٹر سائیکل سواروں کے خلاف سخت قانونی کاروائی عمل میں لائی جائے گی ایس ایس پی ٹریفک ملک مطلوب احمد نے کہا کہ اس خصوصی آگاہی مہم کا بنیادی مقصد شہریوں بالخصوص نوجوانوں کی موٹر سائیکل چلاتے ہوئے ہیلمٹ استعمال نہ کرنے کی وجہ سے ہونے والی اموات میں کمی ہے ،

موٹر سائیکل پر بیٹھے دوسرے افراد کی زندگی بھی اتنی ہی قیمتی ہے جتنی موٹر سائیکل چلانے والے کی ، لہذا موٹر سائیکل پرسواردونوں افراد ہیلمٹ کا استعمال یقینی بنائیں تاکہ جو اموات ہیلمٹ نہ پہننے کی وجہ سے ہوتی ہیں ان پر قابو پایا سکے۔

موضوعات:موٹر سائیکل