اسلام آباد (این این آئی)اپوزیشن لیڈر کی تبدیلی کے معاملے پر تحریک انصاف اور ایم کیو ایم میں خاموش معاہدہ طے پا گیا ذرائع کے مطابق، تحریک انصاف اور ایم کیو ایم کے درمیان طے پانے والے معاملات میں اس بات پر اتفاق کیا گیاکہ دونوں جماعتیں ایک دوسرے کے روٹھے ارکان سے رابطہ کر سکیں گی۔ ایم کیو ایم پاکستان کے رہنماء فاروق ستار نے تحریک انصاف کو پیشکش کی کہ وہ تحریک انصاف کے دونوں ناراض ایم این ایز

سے انکو اپوزیشن لیڈر کا ووٹ دلوا سکتے ہیں۔ فاروق ستار نے شاہ محمود قریشی کو اجازت دی ہے کہ اگر وہ پی ایس پی میں جانے والے ایم کیو ایم کے ارکان سے رابطہ کر کے ووٹ لے سکیں تو انہیں اس بات کی اجازت ہے۔ناراض لوگوں کو منانے اور رابطوں کی اجازت پر شاہ محمود قریشی نے فاروق ستار کو دلچسپ فقرہ بھی کہہ دیا ٗبولے لگتا ہے ناراض لوگوں کو منانے کی اجازت میں آپ کی نظر ہماری عائشہ گلا لئی پر ہے۔

موضوعات:اپوزیشن لیڈر کی تبدیلی