لاہور( مانیٹرنگ ڈیسک) لاہورکے علاقے شاہدرہ ٹاؤن میں عید کے لئے کپڑے نہ ملنے پر دوسری بیوی کے ہاتھوں زخمی ہوالا 75 سالہ محکمہ ایری گیشن کا سابق افسر ہسپتال میں چل بسا۔ بتایا گیا ہے کہ جاوید پارک کا رہائشی 75 سالہ حاجی محمد قریشی محکمہ ایری گیشن سے ریٹائرڈ افسر اور اس نے رضیہ بی بی سے دوسری شادی کر رکھی تھی۔

چند روز قبل دونوں میاں بیوی کے درمیان عید کے کپڑوں پر جھگڑا ہو گیا جس پر رضیہ بی بی نے حاجی محمد قریش کے سر پر ڈنڈوں کے پے در پے وار کر کے اسے شدید زخمی کر دیا ، جس پر اسے جنرل ہسپتال میں داخل کروایا گیا ۔پولیس نے مقتول کے بیٹے عمر فاروق کی درخواست پر مقدمہ درج کر کے کارروائی شروع کر دی ہے۔

موضوعات:عید