اسلام آباد (مانیٹرنگ ڈیسک)پاکستان تحریک انصاف کے مرکزی رہنمااوررکن قومی اسمبلی رہنما اسد عمرنے کہاہےکہ گورنرسندھ محمد زبیر کے راحیل شریف کے حوالے سے بیان پرحیران ہونے کی کوئی ضرورت نہیں۔اسد عمرنے ایک نجی ٹی وی کے پروگرام میںگفتگوکرتے ہوئے کہاکہ گورنرسندھ محمد زبیرکے بیان پرکسی کوحیران ہونے کی ضرورت نہیں کیونکہ ان کاباس ایک بہت ہی قابل اورنہایت اچھاسیاستدان ہے

۔انہوں نے کہاکہ گورنرسندھ کوان کے باس نے ایک دستخط کرکے عہدہ دیااورایک ہی دستخط سے ان کوگھربھیج سکتاہے اس لئے محمد زبیرکوتواپنے باس کی تعریف کرناپڑے گی اوراپنے باس کوہی سوفیصددرست کہناپڑے گاکیونکہ اس کے بغیران کے پاس کوئی چارہ نہیں ہے ۔اسدعمرنے کہاکہ محمد زبیرضرب عضب کاکریڈٹ نوازشریف کودے رہے ہیں لیکن ان کوچاہیے کہ اس کاکریڈٹ تمام سیاسی جماعتوں کودیں اوریہی ایک کڑواسچ ہے جونوازشریف کوپسند نہیں ۔اسدعمرنے کہاکہ کہ راحیل شریف پاک فوج کے سربراہ رہے ہیں وہ کوئی عام قسم کے فوجی نہیں ،محمدزبیرنے ان کوایک عام جنرل کہہ کرنوازشریف کوبڑاکہنے کی کوشش کی لیکن یہ ان کاچھوٹاپن ہے ۔انہوں نے کہاکہ جنرل (ر) راحیل شریف قومی ہیروہیں اورہیرورہیں گے ۔انہوں نے اس موقع پروزیراعظم نوازشریف پرتنقید کرتے ہوئے کہاکہ اگروہ بڑاانسان خود کومنواناچاہتے ہیں توبڑے کام کریں توعوام خودہی ان کوبڑارہنماتسلیم کریں گے ورنہ کسی کے کہنے پرکوئی بڑاآدمی نہیں بنتا۔۔اسد عمرنے کہاکہ عام انتخابات میں ن لیگ کوسب سے بڑاخطرہ تحریک انصاف سے ہے کیونکہ ن لیگ ڈلیورکرنے میں ناکام ہوچکی ہے اوراب توپانامالیکس کے مقدمے کافیصلہ آنے والاہے جس سے حکمران بری طرح گھبرائے ہوئے ہیں ۔

موضوعات:اسدعمر