رولپنڈی (آ ئی این پی )بنوں جیل توڑنے اور سیکیورٹی فورسز پر حملوں میں ملوث دہشت گرد کو پھانسی دیدی گئی ۔جمعرات کو پاک فوج کے شعبہ تعلقات عامہ آئی ایس پی آر کے مطابق طاہر نامی دہشت گرد کو ڈسٹرکٹ جیل کوہاٹ میں پھانسی دے دی گئی جو بنو ں جیل توڑنے اور سیکیورٹی فورسز پر حملوں میں ملوث تھا ۔ان کا کہنا تھا کہ دہشتگرد کالعدم تحریک طالبان پاکستان کا سرگرم رکن تھا ۔ طاہر ولد میرشاہ جہاں

دہشت گردی سے متعلق گھناؤ نے جرائم کے ارتکاب میں ملوث تھا ،مجرم کا فوجی عدالت میں مقدمہ چلایا گیا ۔جیل توڑنے کے واقعے میں دہشت گردوں کی بڑی تعداد جیل سے فرار ہونے میں کامیاب ہو گئی تھی مجرم دیگر قانون نافذ کرنے والے اداروں پر حملوں میں بھی ملوث تھا جس میں ایک سپاہی شہید اور ایک زخمی بھی ہوا مجرم نے ر عدالت کے سامنے اپنے جرائم کا اعتراف کیا جس پر اسے سزاے موت سنائی گئی ۔

موضوعات:پاک فوج