اسلام آباد(مانیٹرنگ ڈیسک )پاکستان کی زرخیز زمینوں کو بنجر اور شہریوں کو خوفناک بیماریوں میں مبتلا کرنےکی خوفناک امریکی سازش بےنقاب ہو گئی ۔ سازش کے خلاف سپریم کورٹ میں آئینی پٹیشن دائر کر دی گئی۔تفصیلات کے مطابق پاکستان میں امریکہ سے برآمد ہونے والے فصلوں کے زہریلے بیجوں کی خریدوفروخت اور درآمد پر پابندی عائد کرنے کے لئے

سپریم کورٹ میں وطن پارٹی کے بیرسٹر ظفر اللہ نے پٹیشن دائر کی ہے۔پٹیشن میں موقف اختیار کیا گیا ہے کہ فصلوں کے لئے امریکہ سے درآمد کئے جانے والے بیجوں پر زہریلے کیمیکل پاکستانیوں کی صحت کی بربادی اور زرخیز زمینوں کو بنجر کرنے کا سبب بن رہے ہیںجبکہ کیمیکل شدہ بیجوں کی درآمد کے حوالے سے قانون سازی نہ ہونے کی وجہ سے کینسر جیسی موذی بیماری عام ہو رہی ہے۔پٹیشن میں درخواست گزار نے استدعا کرتے ہوئےکہا ہے کہ عدالت امریکہ سے برآمد ہونے والے فصلوں کے زہریلے بیجوں کی خریدوفروخت اور درآمد پر پابندی عائد کرنے کے احکامات صادر کرے۔

موضوعات:امریکہ بیج بیرسٹر ظفر اللہ وطن پارٹی