اسلام آباد (آئی این پی) قومی سلامتی سے متعلق متنازعہ خبر کے معاملے پر قائم انکوائری کمیٹی نے کام مکمل کر لیا،کمیٹی کا اجلاس جسٹس ریٹائرڈ عامر رضا کی زیر صدارت ہوا جس میں رپورٹ کو حتمی شکل دی گئی ۔ذرائع کے مطابق اسلام آباد میں پنجاب ہاؤس میں قومی سلامتی سے متعلق متنازعہ خبر کیانکوائری کے لئے قائم کمیٹی کا اجلاس ہوا ،

اجلاس میں کمیٹی کے سربراہ جسٹس عامر رضا ، سیکرٹری اسٹیبلشمنٹ ڈویژن،محتسب اعلیٰ پنجاب، ڈائریکٹر ایف آئی اے لاہور اور سول اور فوجی انٹیلی جنس اداروں کے نمائندے شامل تھے ، ذرائع کے مطابق خبر لیک ہونے سے متعلق رپورٹ کو حتمی شکل دی گئی ۔کمیٹی رپورٹ مکمل کرکے وفاقی وزیر داخلہ کو پیش کرے گی۔

موضوعات:متنازعہ خبر وزیر داخلہ