جنید جمشید کی تصویر والی شرٹ کیوں پہنی ؟ عمران طاہرکے خلاف آئی سی سی نے ایکشن لے لیا

  جمعرات‬‮ 26 جنوری‬‮ 2017  |  12:46

جوہانسبرگ(مانیٹرنگ ڈیسک)میڈیا رپورٹس کے مطابق انٹرنیشنل کرکٹ کونسل نے افریقی باؤلر عمران طاہر کے جنید جمشید کو خراج تحسین پیش کرنے کا نوٹس لے لیا، آئی سی سی کے مطابق باؤلر نے جو حرکت کی وہ قانون کی خلاف ورزی ہے۔آئی سی سی سے جاری اعلامیے میں کہا گیا ہے کہ عمران طاہر نے جوہانسبرگ میں سری لنکا کے خلاف کھیلے جانے والے میچ میںآئوٹ کرنے کے بعد ٹی شرٹ اوپر کی جو کرکٹ کونسل کے قانون کی خلاف ورزی ہے۔آئی سی سی کے مطابق عمران طاہر کا جنید جمشید کو خراج عقیدت پیش کرنا قانون کے سیکشن جی ون


کی خلاف ورزی ہے کیونکہ کھلاڑی کھیل کے دوران یونیفارم اور دیگر چیزیں کرکٹ کونسل کے ضابطے کے مطابق پہننے کے پابند ہوتے ہیں۔انٹرنیشنل کرکٹ کونسل کے مطابق کوئی بھی کھلاڑی بغیر منظوری کے کسی مذہبی شخصیت کی تصویر والی شرٹ یا ٹی شرٹ نہیں پہن سکتا تاہم اگر وہ کرکٹ بورڈ سے منظوری حاصل کر لے تو اُس کے خلاف کوئی کارروائی عمل میں نہیں لائی جاتی۔اعلامیے کے مطابق طاہر نے اپنی غلطی کا اعتراف کرتے ہوئے معافی مانگ لی ہے جس کے بعد آئی سی سی نے مزید کارروائی نہ کرنے کا بھی فیصلہ کیا ہے تاہم کھلاڑی کو پابند کیا ہے کہ وہ آئندہ اس قسم کی حرکت سے گریز کریں۔واضح رہے کہ جنوبی افریقہ کے معروف لیگ سپنرعمران طاہرنے معروف اسلامی مبلغ جنید جمشید مرحوم کوایک انوکھے اندازمیں خراج تحسین پیش کیاتھا۔تفصیلات کے مطابق جنوبی افریقہ کے سری لنکا کے خلاف ٹی ٹوئنٹی میچ میں عمران طاہرنے سری لنکاکے بلے بازاسیلاگونارنتے کوایل بی ڈبلیوکرنے کے بعد جشن منانے کےلئےاپنی شرٹ کواوپرنیچے کرکےخراج تحسین پیش کیاتو ان کی شرٹ کے نیچے سے پاکستانی نعت خواں جنید جمشید مرحوم کی تصویروالی شرٹ پہن نظرآئی ۔یادرہے کہ عمران طاہراورہاشم آملہ جنیدجمشید کے بہترین اورگہرے دوست تھے اوراکثرتبلیغ کےلئے جنوبی افریقہ بھی جاتے تھے ۔واضح رہے کہ عمران طاہرپاکستانی نژاد جنوبی افریقہ کے شہری ہیں ۔

موضوعات:

loading...