اسلام آباد(مانیڑنگ ڈ یسک)ماہرین علم نجوم نے کہاہے کہ 2017میں بھی نوازشریف کی حکومت کوخطرہ نہیں جبکہ پاکستان تحریک انصاف کے چیرمین عمران خان کااس سال بھی وزیراعظم کی کرسی پرآناممکن نہیں ہے ۔

ایک نجی ٹی وی کے پروگرا م میں گفتگوکرتے ہوئے ماہرعلم نجوم ابوبکرصابرنے کہاکہ پی ٹی آئی کے سربراہ مستقبل میں وزیراعظم ہونگے لیکن ابھی ان کے وزیراعظم بننے کاکوئی امکان نہیں ہے ۔انہوں نے کہا نئے سال میں عمران خان کی سیاسی پوزیشن مزید مضبوط ہوجائے گی ۔

اسی پروگرا م میں گفتگوکرتے ہوئے معروف ماہرعلم نجوم سامعہ خان نے کہاکہ سال 2016کے برعکس نیاسال 2017عمران خان کی ذاتی زندگی میں ایک بارپھرتبدیلی لائے گا اور وہ تیسری شادی کرلینگے ۔انہوں نے کہاکہ ستاروں کی چال کے مطابق عمران خان کی تیسری شادی 2017میں متوقع ہے ۔اس موقع پرابوبکرصابرنے عمران خا ن کومشورہ دیاکہ وہ شادی نئے سال کے آخری ماہ میں کریں اس طرح ان کی شادی لمبے عرصے تک قائم رہے گی ۔

موضوعات:پیشگوئی عمران خان