اسلام آباد(مانیٹرنگ ڈیسک) ایم ایس دھونی کی زندگی پر بننے والی فلم میں سابق صدر پاکستان اور آرمی چیف جنرل ریٹائرڈ پرویز مشرف کا ایک کلپ بھی شامل کیا گیا ہے جس میں پاکستان اور بھارت کے مابین ہونے والے میچ کو جیتنے کے بعد بھارتی ٹیم کو مبارکباد دینے کا جنرل پرویز مشرف کا اصل کلپ فلم میں ایڈیٹنگ کے ذریعے جوڑ دیا گیا ہے۔

تفصیلات کےمطابق بھارتی کرکٹ ٹیم کےکپتان ایم ایس دھونی بھارتی  کرکٹ کی تاریخ میں کامیاب ترین کپتانوں میں سے ایک مانے جاتے ہیں۔ دھونی کی زندگی پر ایک فلم بنائی جا رہی ہے جس کے کچھ ٹریلر اور ویڈیو کلپس میڈیا پر گردش کر رہے ہیں انہی کلپس میں سے ایک ویڈیو میں پرویز مشرف کی جانب سے پاکستان بھارت میچ میں بھارت کے میچ جیتنے کے موقع پر گراؤنڈ میں بھارتی ٹیم کو مبارکباد کا پیغام دینےاور سیریمنی میں شامل ہونے کی اصل ویڈیو کو فلم  میں شامل کرلیا گیا ہے ۔ اس ویڈیو میں جنرل پرویز مشرف بھارتی کپتان کو  جیت پرمبارکباد پیش کر رہے ہیں ۔ اس کلپ میں جنرل مشرف نے ایم ایس دھونی کو مبارکباد کے ساتھ ساتھ بتاتے ہیں کہ میں نے آپ کو اپنا ہیئر کٹ تبدیل کرنے کا مشورہ دیا تھا مگر میں آپ سے یہ بات بھی کہنا چاہتا ہوں کہ آپ کو یہ ہئیر سٹائل  اور لمبے بال اچھے لگتے ہیں لہذا اسے تبدیل کرنےکی کوئی خاص ضرورت بھی نہیں ہے۔

واضح رہے کہ جنرل ریٹائرڈ پرویز مشرف بھارتی ٹی وی چینلز پر بھارتی میڈیا کو شٹ اپ کال دینے کے لئے بے حد مشہور ہیں اور بھارتی نیوز چینلز آئے روز مشرف سے اپنی بے عزتری کرواتے رہتے ہیں ۔ اب بھارتی میڈیا کی جانب سے مشرف کے اس کلپ کو پاکستان بھارت کشیدہ صورتحال کے موقع پر منظر عام پر لا کر مشرف کے بارے میں پاکستانی عوام کے تاثرات کو متاثر کرنے کی کوشش کی ہے۔ ابھی تک یہ بات واضح نہیں ہو سکی ہے کہ فلم میں جنرل ریٹائرڈ پرویز مشرف کا کلپ شامل کرنے کے لئے پرویز مشرف سے اجازت طلب کی گئی ہے یا نہیں ۔ اگر اجازت طلب نہیں کی گئی ہوئی تو جنرل ریٹائرڈ پرویز مشرف اس سلسلے میں قانونی کارروائی کا حق محفوظ رکھتے ہیں ۔

Pervez Musharraf speech scene in MS Dhoni Biopic by passionate4cricket

موضوعات:بھارتی فلم پرویز مشرف