راولپنڈی(مانیٹرنگ ڈیسک) عوامی مسلم لیگ کے سربراہ شیخ رشید نے رائیونڈ مارچ کیلئے عمران خان کا ساتھ نہ دینے والے اپوزیشن رہنماوں کو گندے انڈے اور منافق قرار دے دیا۔ شیخ رشید نے ایک نجی ٹی وی سے گفتگو کرتے ہوئےکہا کہ تمام لوگ پاناما لیکس پر سیاست تو چمکا رہے ہیں لیکن جب حکومت مخالف تحریک کی باری آتی ہے تواس وقت بڑی اپوزیشن جماعت پیپلزپارٹی سمیت سب منہ موڑلیتے ہیں اورتحریک انصاف کے چیرمین عمران خان کواکیلاچھوڑدیتے ہیں ۔انہوں نے کہاکہ اپوزیشن کے کچھ لوگ دل سے نہیں بلکہ میڈیامیں رہنے کےلئے عمران خان کااوپراوپرسے ساتھ دے رہے ہیں اوراندورن خانہ نوازشریف سے ملے ہوئے ہیں کیونکہ ان کومعلوم ہے کہ اگرعمران خان نے حکومت گرادی توان کے پلے کچھ نہیں رہے گا۔انہوں نے کہا کہ نواز شریف سے بیک ڈور ہاتھ ملانے والے سیاست کے گندے انڈے اور منافق ہیں اور منافق کافر سے بھی برا ہے ۔ یہ سارا احتساب کا خام مال ہے شیخ رشید نے کہاکہ میں بلاول بھٹوسے کہتاہوں اپنے والد کی سیاست سے بچے اور ماں اور نانا کی سیاست کرے۔شیخ رشید نے مزیدکہا کہ اس حکومت کی سب سے بڑی کمزوری سانحہ ماڈل ٹاون ہے اور یہ کسی بھی وقت اس میں پکڑے جائیں گے۔انہوں نے کہاکہ رائے ونڈمارچ کی وجہ سے حکمران بوکھلاہٹ کاشکارہیں ۔