اسلام آباد(مانیٹرنگ ڈیسک) مسئلہ کشمیر پاکستان اور بھارت کے درمیان ہے ،نہیں چاہیں گے کہ کوئی ملک مسئلہ کشمیر میں مداخلت کرے،بھارت نے مسئلہ کشمیر پر امریکی صدر کی ثالثی کی پیشکش ماننے سے پھرانکار کردیا ، ۔نجی ٹی وی کے مطابق فرانس میں جی سیون اجلاس کے موقع پرسائیڈلائن پر امریکی صدر ڈونلڈ ٹرمپ اوربھارتی وزیراعظم نریندر مودی کے درمیان ملاقات ہوئی ،امریکی صدر نے کہا کہ مقبوضہ کشمیر
پر گزشتہ رات بات ہوئی ،کشمیر معاملے پر پاکستان سے بھی بات ہوئی ہے ،بھارتی وزیراعظم نے کہا وہ کشمیر کے معاملے پر پاکستان سے بات کریں گے،نریندرمودی نے کہا کہ پاکستان سے ملکر غربت اور دیگرمسائل کے خلاف لڑائی لڑنی ہے،بھارت اور پاکستان کے درمیان تمام معاملات باہمی نوعیت کے ہیں ، امریکی صدر نے کہا کہ اگر معاملہ باہمی ہے توپہلے سے حل ہوجانا چاہئے تھا،مسئلہ کشمیر کےلئے موجود رہوں گا۔جو ہوسکا کروں گا۔
