پشاور(آن لائن) قائم مقام خیبرپختونخوا اسپیکر اورنگزیب نلوٹھہ نے ارکان صوبائی اسمبلی سے حلف لے لیا ۔ اراکین نے بھی بازو پر سیاہ پٹیاں باندھ کر سپیکر سے حلف لیا ۔ تفصیلات کے مطابق پیر کے روز خیبرپختونخوا اسمبلی میں حلف برداری کی تقریب سے قبل ایم ایم اے اور پیپلزپارٹی کے اراکین صوبائی اسمبلی نے انتخابات میں مبینہ دھاندلی کے خلاف احتجاج کرتے ہوئے اسمبلی سے احتجاجاً واک آؤٹ کیا ۔

جبکہ بعد میں قائم مقام اسپیکر خیبرپختونخوا اورنگزیب نلوٹھہ نے اراکین صوبائی اسمبلی سے حلف لیا تو اس دوران ایم ایم اے اور پیپلزپارٹی کے اراکین نے احتجاجاً بازوؤں پر سیاہ پٹیاں باندھ رکھی تھیں ۔واضح رہے کہ سپیکر خیبر پختونخوا اسمبلی اسد قیصر ممبر قومی اسمبلی بن چکے ہیں اس لئے وہ حلف اٹھانے کیلئے اسلام آباد میں موجود ہیں ۔ پی ٹی آئی کی جانب سے انہیں سپیکر قومی اسمبلی کا امیدوار بھی نامزد کیا گیا ہے۔

موضوعات:خیبر پختونخوا اسمبلی