سرگودھا میں مریم نواز کی جانب سے عطیہ کیا گیا سونے کا تاج پراسرارطور پر غائب،یہ تاج (ن)لیگ کے کس ممبر قومی اسمبلی کے حوالے کیا گیا تھا

  بدھ‬‮ 14 مارچ‬‮ 2018  |  12:20

اسلام آباد(مانیٹرنگ ڈیسک)سرگودھا میں سابق وزیر اعظم نواز شریف کی صاحبزادی مریم نواز کو دیا جانے والا 20 تولے سونے کا تاج پر اسرار طور پر غائب ہو گیا۔نجی ٹی وی  کے مطابق سرگودھا کے کمپنی باغ میں 24 فروری کو مسلم لیگ ن کے سوشل میڈیا کنونشن میں آمد پر مئیر سرگودھا ملک اکرم نوید کی جانب سے مریم نواز کو 20 تولہ سونے کا تاج پیش کیا گیا تھا۔مریم نواز نے یہ تاج سرگودھا کےیتیم خانے کو عطیہ کرنے کا اعلان کیا تھا لیکن 18 روز گزر جانے کے باوجود بھی مذکورہ تاج کسی بھی یتیم خانے نہیں

پہنچا اور پر اسرار طور پر غائب ہو گیا۔ کہا جا رہا ہے کہ تاج سرگودھا کے مقامی ایم این اے چودھری حامد حمید کے حوالے کیا گیا تھا، اس حوالے سے مئیر کارپوریشن کا کہنا تھا کہ ہم اس کی چھان بین کر رہے ہیں۔ابھی تک سونے سے تاج سے متعلق کوئی معلومات حاصل نہی  ہوئی ہیں۔

موضوعات:

آج کی سب سے زیادہ پڑھی جانے والی خبریں