حب(مانیٹرنگ ڈیسک) حب میں درگاہ شاہ نورانی کے قریب دھماکہ ہواہے جس سے متعددافرادزخمی ہوگئے ہیں ۔ایک نجی ٹی وی کی رپورٹ کے مطابق حب میں درگاہ شاہ نورانی کے قریب دھماکہ ہواہےایک نجی ٹی وی کے مطابق 10افرادجاں بحق ہوگئے ہیں جبکہ متعددافرادزخمی ہوگئے ہیں ۔ایدھی اورپولیس حکام نے اس کی تصدیق کردی ہے ۔ابھی تک دھماکے سے متعدد افراد زخمی ہوئے ہیں جبکہ زخمیوں میں کئی افرادکی حالت تشویش ناک ہے ۔دھماکہ اس وقت ہواجب درگاہ پرزائرین دھمال ڈال رہے تھے اوردھماکے سے متعدد افراد زخمی ہوگئے جبکہ نزدیکی عمارتوں کوبھی شدید دھچکالگاہے ۔زخمیوں کوقریبی ہسپتال منتقل کردیاگیاہے ۔ہسپتال ذرائع کے مطابق متعددزخمیوں کی حالت نازک بتائی جارہی ہے جبکہ پولیس نے علاقے کوگھیرے میں لے کرتفتیش شروع کردی ہے ۔

جبکہ ایس ایس پی لسبیلہ نے خدشہ ظاہرکیاہے کہ دھماکے سے کم ازکم 30افراد جاں بحق ہوئے ہیں ادھربلوچستان سے اہم سیاسی رہنماسینیٹرحاصل بزنجونے حکومت سے اپیل کی ہے کہ زخمیوں کی ہسپتال منتقلی کےلئے ہیلی کاپٹرفراہم کیاجائے کیونکہ جہاں پردھماکہ ہواہے وہاں سے قریبی ہسپتال 200کلومیٹرکے فاصلے پرہے اوراس ہسپتال میں طبی سہولتیں فراہم کرنے کےلئے آلات کی بھی شدید کمی ہے ۔وزیرداخلہ بلوچستان سرفرازبگٹی نے ایک نجی ٹی وی سے گفتگوکرتے ہوئے کہاہے کہ ابھی تک یہ نہیں کہاجاسکتاکہ اس دھماکے میں کتنے افراد جاں بحق ہوئے ہیں کیونکہ زخمیوں کی منتقلی کاکام جاری ہے ۔

موضوعات:دھماکہ ﮔﺸﺖ