بھارت کے سیکرٹری دفاع اجے کمار بھی کوروناوائرس سے متاثر،وزارت میں کھلبلی مچ گئی

  جمعرات‬‮ 4 جون‬‮ 2020  |  23:49

نئی دہلی(این این آئی)بھارتی سکرٹری دفاع اجے کمار میں بدھ کے روز کوویڈ 19 میں انفیکشن کے آثار ظاہر ہوئے جس سے وزارت دفاع میں کھلبلی مچ گئی۔گزشتہ روز ، وزیر دفاع کے اجے کمار میں علامات کے پائے جانے کے بعد  ریسینہ ہلز کے سائوتھ بلاک میں وزارت کے ہیڈ کوارٹر میں کام کرنے والے کم سے کم 35 افسران کو ان کے گھر بھیج دیا گیا۔ساوتھ ایشین وائر کے مطابق اس بارے میں کوئی سرکاری بیان نہیں دیا گیا ہے کہ آیا یہ تصدیق شدہ کورونا وائرس کا کیس ہے یا نہیں۔ وزارت دفاع کے ترجمان نے اس


معاملے پر کوئی تبصرہ کرنے سے انکار کردیا۔اسی دوران ، فوج کے دو اعلی افسران نے بتایا کہ اجے کمارمیں  انفیکشن پایا گیا ہے۔خیال کیا جاتا ہے کہ وزیر دفاع راجناتھ سنگھ احتیاط کے پیش نظر دفتر نہیں آئے تھے۔وزیر دفاع ، سیکرٹری دفاع ، چیف آف آرمی اسٹاف اور نیوی چیف کے دفاتر ساوتھ بلاک کی پہلی منزل پر ہیں۔فوری طور پر یہ معلوم نہیں ہوسکا کہ کمار کو اسپتال میں داخل کیا گیا ہے یا نہیں


موضوعات: